يلِّلي حُبَّكْ تِرياقْ لكل شي ميت …
و أنا !
شجرة عَ بابْ الدارْ طِلِعْلَها الجَنَى …
نُوطَة تِتْكِي على شفافَكْ تَتِحْكِي
تِتْغَنْدَرْ على السِّلُّمْ موسيقا من البُعْد تِشكِي
و زْرَارْ الفَرح تِحْبُكْ قميصْ و تِلِبْسَكْ
ويِشْعَلْ القَدِحْ بعيونَكْ ويحرسَكْ
رِبْيِتْ قْرِنفْلْة حَمْرَا عإيدكْ تَشِمَّها
وغصونها الخَضْرَا بِعروقِكْ ع إمَّها
كَرَجْ اللولو من شعرَكْ مَسِبْحَة
جْمَعْتْ منُّن بْلَمْسِة زينِةْ الطَّرْحَة
تاري الكرزْ بعدو بيكتُبْ رسايِلْ
ع خدِّي بعد بوسةْ خمايِلْ
