قالتلو : أخدت البدلة لعند الخياط يا إمي و الزوادة اللي خلف الباب ؟ جايي الشتا بعد أيلول شوي شوية
قلها : ومن وين بيجي البرد صوبي لو شوية ! هالبنت اللي عالحب مبنيّة بهالعينين إنتي و هيي …
قالتلو : هالبنت ياللي شاغلة فكرك عرفناها مين هيّي .. إن كنّها ناطرتك حد الدار بدها تودعك بس مني مستحيّة
قلها : ناطرتني بكل إجازة من هالعسكرية .. حاملة هم هالوطن التعبان معي .. و من شعرها كرمالي بتغزل شال يقهر برد كل شتوية …
قالتلو : اندهلها لزوجتك المستقبلية … يا مدبّل العينين التّعب باين على عيونك .. تخمين ما نمت ليل مبارح؟ نعسان يا إمي أمّا مدبّلة جفونك كترة الأحلام؟
قلها : بلاقيها فيني.. وقبل ما بسافر ع قطعتي بتندهلي : الله معك يا أسمر الجبهة … يا جرود بلادي لونت عينيك …عصدري غفيت ع قد مانك تعبان … رح كون ناطرتك متل ما كنت بكل يوم
